Bugün “Məram” GİM-də daha bir gözəl layihə əsasında seminar keçirildi

Bugün “Məram” Gənclik İnkişaf Mərkəzində “Azərbaycan Respublikası Prezidenti yanında Gənclər Fondu” və “Azərbaycan Gənc Alim, Aspirant və Magistrlar Cəmiyyəti”-nin təşkil etdiyi “GƏNC AİLƏLƏR ARASINDA KƏND YAŞIL TURİZMİNİ STİMULLAŞDIRMAQ” layihəsi əsasında 50-yə yaxın gəncin iştirakı ilə seminar keçirildi. Seminarda iştirak edən “Azərbaycan Gənc Alim, Aspirant və Magistrlar Cəmiyyəti”-nin sədri İlqar Orucov, Şəki şəhəri Gənclər və İdman İdarəsinin rəisi Vüqar İskəndərov, layihənin eksperti Ruslan Rəhimli öz çıxışlarında qeyd etdilər ki, kənd turizmi üçün Şəki-Zaqatala bölgəsində çox mühüm imkanlar vardır. Seminarda, kənd turizminin inkişafı üçün lazım olan bir sıra əhəmiyyətli, xüsusilə hər bir ailənin həyata keçirə biləcəyi tədbirlərdən danışıldı və bu sahədə gənclərə bir çox tövsiyyələr olundu.